09-16-19

Māhuahua nā keiki o nā kula hoʻāmana o Hawaiʻi nei.

ʻO ia aʻela kekahi poʻo nūhou o kēia lā, ka lā, 16 o Kepakemapa, he Pōʻakahi. Welina e nā makamaka. ʻO Ke Aolama kēia a penei ka nūhou.

Ua māhuahua aʻela nā haumāna o nā kula hoʻāmana o Hawaiʻi nei. I kēia makahiki nei, he 11,877 mau haumāna o nā kula hoʻāmana he 37 o neʻi nei. Ua piʻi aʻela ka nui o nā haumāna he 2.8 pākeneka, ʻo ia hoʻi, he 331 haumāna. A ʻo ka nui o nā haumāna ma ke kula aupuni, ua emi ihola. ʻAkahi nō a hoʻomaka ka papa mua o ka ke Kula Hale Moemoeā o ʻEwa (DreamHouse ʻEwa Beach) i ka lā 5 o ʻAukake. ʻO ka papa ʻeono wale nō ka papa i kēia makahiki, a e hoʻomaka ka papa o kekahi pae, ka papa ʻehiku, i kēia makahiki aʻe, a pēlā e piʻi ai nā papa ma laila. I kēia manawa, he 92 mau haumāna o ia kula, a ua ʻupu ʻia, e hiki aku i ka haneli i kēia kau nei. Aia nō ua kula hoʻāmana nei ma ke Kikowaena Kūʻai ʻo Laulani akā, e neʻe aku paha i Kalaeloa i kēia kau wela aʻe.

Lanakila aku nei nā Wāhine Ānuenue ma luna o UCLA ma ka pāʻani pōpō paʻipaʻi i loko o nā pāʻani ʻekolu wale nō, a lilo ai iā Hawaʻi ka inoa moho o ka Hoʻokūkū Kono o nā Hōkele Outrigger. ʻO ke kolu ia o ka inoa moho hoʻokūkū i lilo iā Hawaiʻi ma hope kekahi o kekahi. A ʻo ka makamua ia mai ka makahiki 2013. I kēia Pōʻakolu, e haʻalele ana nā Wāhine iā Hawaiʻi no ka Hoʻokūkū ma Baylor.

Eia mai kā kākou ʻōlelo noʻeau,

Uene ke kolopā.

ʻO ia hoʻi, ua kō ka hana.

One thought on “09-16-19”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s