01-15-21

Ua hoʻāʻo aku nei kekahi mau kānaka e hoʻopahū aku i ka hale kūʻai ʻo Longs Drugs.

ʻO ia aʻela kekahi poʻo nūhou o kēia lā, ka lā 15 o Ianuali, he Pōʻalima. Welina e nā makamaka. ʻO Ke Aolama kēia a penei ka nūhou.

I ka Pōʻakolu nei, ua hopu ʻia aku nei kekahi kanaka no ka manaʻo, nāna nō i hana i mau pōkā pahū a waiho aku nei ma loko o ka hale kūʻai ʻo Longs Drugs ma Mōʻiliʻili. A he kōkoʻolua kona ma ia hana kolohe ʻana. ʻAʻole naʻe ʻo ia i loaʻa i ka mākaʻi. I ke kakahiaka o ka Pōʻalua nei ka waiho ʻia ʻana o nā pōkā pahū ma ka hale kūʻai. Ua hoʻohaʻalele ʻia nā kānaka o loko a laila, hiki aku ka Hui Pōkā Pahū o ke Keʻena Mākaʻi a hoʻopau aku nei i ka hiki i ia mau pōkā ke pahū. Aia nō ke ʻimi ʻia akula ka lua o ke kolohe.

Loaʻa aku nei kekahi paʻa male i ka hoʻopaʻi no ko lāua ʻohi ʻana i ka iʻa me ka loaʻa ʻole o ka palapala ʻae ma Kahi Hoʻomalu Iʻa o Hawaiʻi Komohana ma kai o Kawaihae. ʻO Tyron lāua ʻo Kacie Terazono nā mea i hoʻopiʻi ʻia a i ka ʻimi ʻana aku o ka mākaʻi hoʻomalu i ka moku o lāua, loaʻa aku nei he 550 mau iʻa kopikala ola i ka mahina ʻo Pepeluali o ka makahiki i hala iho nei. Ua ʻae iho nei lāua e uku i ka hoʻopaʻi, he $76,400.

Eia mai kākou ʻōlelo noʻeau,

Ke koa ia e laumeki ai kahawai o Hilo.

He ʻōlelo kēia no ke koa ikaka.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s