05-30-18

He wahi noi kā ke Keʻena Kolokolo o ke Aupuni Pekelala.

ʻO ia aʻela kekahi poʻo nūhou o kēia lā, ka lā 30 o Mei, he Pōʻakolu. Welina e nā makamaka. ʻO Ke Aolama kēia a penei ka nūhou.

Aia nō ke Keʻena Kolokolo o ke Aupuni Pekelala ke noi aʻe nei i kōkua ma ka ʻimi ʻana aku iā Jonathan Fraser a loaʻa. He wahi makana ke lilo aku i ke kanaka nāna kahi ʻike e loaʻa ai ʻo Fraser, he $20,000 a emi mai. Ua ʻike hope loa ʻia ʻo Fraser i ka lā 30 o Iulai o ka makahiki 2016 ma kona wahi keʻena noho ma 6233 Keōkea Place a i ke ao ʻana aʻe i kekahi lā, hoʻomaopopo akula ka ʻohana o Fraser i ka ʻoihana mākaʻi no kona nalowale ʻana. I ka lā 8 o ʻAukake, 2016, ua loaʻa maila kona kaʻa i ka mākaʻi ma kahi o ka huina o ke alanui ʻo Summer me ke ala ʻo Kuliʻouʻou. Inā he wahi ʻike kāu no ka nalowale ʻana o Fraser, e kāhea i ke Keʻena Kolokolo o ke Aupuni Pekelala ma Honolulu nei ma ka helu 566-4300.

Pilikia ihola ʻo Roseanne Barr i kona waha haukaʻe. I nehinei, hoʻopuka aʻela ʻo Barr i kahi ʻōlelo hoʻokae ʻili ma ʻIoʻio e pili ana iā Valerie Jarrett, he hoa kūkā no Barack Obama ma mua. Ma muli o ia ʻōlelo, ua hoʻopau koke ʻia ka polokalamu kīwī ʻo “Roseanne” e ka hui ʻo ABC. He mea ʻole ka nui o ke kālā i lilo aku iā ABC ma ka loaʻa mai nā hoʻolaha mai, he $45 miliona mai ka polokalamu mua a i ka iwa o ka polokalamu. A manaʻo ʻia, he $60 miliona ka nui e loaʻa no ke kikina hou. ʻAʻole naʻe e hihi, ua hewa ka waha o Barr.

Eia mai kā kākou ʻōlelo noʻeau,

A aloha wale ʻia kā hoʻi ʻo Kaunuohua, he puʻu wale nō.

He mea nui ke aloha i ke kanaka.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s