10-12-18

Make iho nei kahi koʻele wāwae i ka Pōʻakolu nei.

ʻO ia aʻela kekahi poʻo nūhou o kēia lā, ka lā 12 o ʻOkakopa, he Pōʻalima. Welina e nā makamaka. ʻO Ke Aolama kēia a penei ka nūhou.

Ua alu like kekahi mau hui no ka paipai ʻana i nā mana koho, e hōʻole i ka mālama ʻana i ka ʻaha ʻelele hana kumukānāwai o Hawaiʻi. Ua kapa ʻia aku ia hui, ʻo Mālama I Ko Kākou Hawaiʻi (Preserve Our Hawaiʻi). A ua kākau inoa nō me ke Komikina Hoʻolilo Kālā Paipai Kālaiʻāina Hawaiʻi ma ke ʻano he kōmike kumumanaʻo a no laila, he hiki nō ke hoʻoulu a hoʻolilo aku i ke kālā i mea e mālama ʻole ʻia ai ka ʻaha ʻelele hana kumukānāwai. ʻO ka ʻAhahui Limahana Aupuni o Hawaiʻi kekahi i alu like, pēlā pū me ke Keʻena ʻOihana Kālepa o Hawaiʻi, ka Hui Sierra o Hawaiʻi, ka māhele Hawaiʻi o ka Uniona Kūʻokoʻa Kīwila ʻAmelika, a me ka ʻAoʻao Kemokalaka Hawaiʻi. ʻO kekahi mea nui i hāpai ʻia e lākou, ʻo ke kumukānāwai o Hawaiʻi kekahi o nā kumukānāwai ʻoi o ʻAmelika Hui Pū ʻIa i kēia manawa, a e pilikia paha ia ke mālama ʻia ka ʻaha ʻelele hana kumukānāwai.

E akahele e ka poʻe koʻele wāwae. Make aku nei ʻo Raymond Endow o Nuʻuanu i ka hoʻokuʻi ʻia e ke kalaka i ka Pōʻakolu nei. Ua piha nā makahiki he 83 iā Endow, a wahi a ka lohe, he keu ʻo ia a ke kanaka akahele i kona wā e holo ana ma luna o nā waʻa kaulua he ʻumi ihu. ʻO Endow ka 25 o ke koʻele wāwae i make ma nā alanui o Oʻahu nei i kēia makahiki nei. I ka lā like o kēlā makahiki aku nei, he ʻehā wale nō koʻele wāwae i make. ʻO ka pilikia, wahi a kekahi poʻe, ʻaʻohe kukui hoʻokū ma ia wahi i hoʻokuʻi ʻia ai ʻo Endow.

Eia mai kā kākou ʻōlelo noʻeau,

Ke kū i Kahiki.

ʻO ia hoʻi, inā hiki.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s