03-25-19

Ke hoʻomākaukau ihola ka Hui ʻOhe Kanakolu Mika i loaʻa ka palapala kūkulu ma kekahi wahi.

ʻO ia aʻela kekahi poʻo nūhou o kēia lā, ka lā 25 o Malaki, he Pōʻakahi. Welina e nā makamaka. ʻO Ke Aolama kēia a penei ka nūhou.

Aia nō ka hui nāna e kūkulu i ka ʻOhe Kanakolu Mika ke hana akula i mea e hoʻokō ai i nā koina o ka palapala kūkulu ma Mauna Kea. A i ia manawa hoʻokahi nō, ke hoʻāʻo akula e paʻa mai ka ʻaelike no ke kūkulu ʻana ma nā ʻAilana Manu Mele. Hōʻike mai nei nā luna o ka ʻOhe Kanakolu Mika, e loaʻa koke ka palapala kūkulu ma ka mokupuni ʻo La Palma. Wahi a Scott Ishikawa, ka waha ʻōlelo o ka Hui Kuleana Kaupalena ʻIa ʻo ka Hale Kilo Hōkū O Nā ʻĀina ʻĒ o ka ʻOhe Kanakolu Mika, ʻo Hawaiʻi kahi i makemake ʻia no ia ʻohe.

He ʻelua makahiki a Mueller i noiʻi ai i ka paipai kālai ʻāina a ka Pelekikena Donald Trump a ua pau ihola. A ma ka palapala hōʻike a Mueller, ʻaʻohe mea e hoʻopili ana iā Trump i ka ʻōhumu ʻino me ke aupuni o Lūkia. ʻAole naʻe ʻo ia i huikala ʻia. Akā, aia nō ka pelekikena ke hana akula me he mea lā ua huikala ʻia, ʻaʻohe wahi mea e hopohopo ai. He manaʻo ko kekahi poʻe, ʻo ka ʻōlelo hoʻoholo ma ia hōʻike a Mueller, he mea ia e māhuahua hou ai ka poʻe e koho hou iā Trump i pelekikena no ʻAmelika Hui Pū ʻIa.

E piʻi aʻe paha nā Kāne Ānuenue a i ke kūlana helu ʻekahi o ke ao nei ma ka pōpō paʻipaʻi ma muli o ko lākou lanakila ʻana aku nei ma luna o Berigama Iana ma loko o nā pāʻani ʻekolu wale nō. ʻO ka hā ia o ka manawa i lanakila ai ʻo Hawaiʻi ma luna o Berigama Iana ma Provo. A ʻo ka manawa mua ia mai ka makahiki 2003.

I kēia lā, e hoʻomaka ke kūʻai ʻia ʻana o nā kikiki no ka Hoʻokūkū Pōpō Paʻipaʻi o ka ʻAhahui Komohana Nui e mālama ʻia ana ma ke Kikowaena Pāʻani ʻo Stan Sheriff. E mālama ʻia ana mai ka lā 18 o ʻApelila a i ka lā 20. ʻO nā kikiki, mai ka $15 a ke $39.

Eia mai kā kākou ʻōlelo noʻeau,

Ma Koʻolau e ʻōlelo ai, he lohe ma Kona.

Hoʻopuka ʻia ke laha koke kekahi ʻōlelo a lono paha.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s