10-18-19

Kau aku nei ka ʻōlelo hoʻopaʻi o kekahi mea heihei kaʻa.

ʻO ia aʻela kekahi poʻo nūhou o kēia lā, ka lā 18 o ʻOkakopa, he Pōʻalima. Welina e nā makamaka. ʻO Ke Aolama kēia a penei ka nūhou.

Kau aku nei ka ʻōlelo hoʻopaʻi o Taylor Liang. ʻO Liang ka mea nāna i hoʻokuʻi aku i kekahi wahine e holo paikikala ana i ka lā 25 o ka mahina ʻo Ianuali, 2018. I ia manawa, e heihei kaʻa puewa ana ʻo Liang ma ke Ala ʻo Puʻuʻōhiʻa. ʻO ka hoʻopaʻi o Liang, e noho paʻahao he hoʻokahi makahiki, he ʻelima makahiki wā hoʻomalu, a ʻo ka pono kalaiwa o Liang, ua kāpae ʻia i ka wā hoʻomalu, koe ke kalaiwa ʻana i ka hana a hoʻi aku i ka hale, a me ke kalaiwa ʻana aku i kahi e pono ai i kona wā e hana ana. ʻO ka wahine i hoʻokuʻi ʻia, ʻo Lectie Altman kona inoa. A he wahine heihei pūkolu ia a ua ʻeha kūkonukonu ihola i kona wā i hoʻokuʻi ʻia ai. Ua nui nā heihei pūkolu a Lectie i komo ai, a ʻo kekahi heihei āna i komo ai ma mua o ka ulia kaʻa, ʻo ia ka Heihei Inoa Moho Kanakahao o ke Ao nei i mālama ʻia ma Kona. A ʻakahi nō a lilo ʻo Lectie i loea ma ka heihei pūkolu ma mua iki o ia ulia. ʻO ka mea minamina, ʻaʻole paha e hiki iā Lectie ke holo wāwae hou ma kēia hope aku.

Eia mai kā kākou ʻōlelo noʻeau,

Hanini ka wai o Kūlanihākoʻi.

He ʻōlelo kēia i ka wā e heleleʻi ai ka ua.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s