11-13-19

Kau aku nei ʻo Moea Kekauoha i ka hano hāweo.

ʻO ia aʻela kekahi poʻo nūhou o kēia lā, ka lā 13 o Nowemapa, he Pōʻakolu. Welina e nā makamaka. ʻO Ke Aolama kēia a penei ka nūhou.

ʻO ka nui o ke kiwikiu, a ʻo ke kīkēkoa kekahi inoa ona, he 312 a emi mai. A no laila, he huliāmahi ka hana i mea e māhuahua hou ai ua manu lā. A hoʻomaka iho nei kekahi papahana kahi e hānai ʻia ai ke kiwikiu a hoʻokuʻu ʻia aku. Akā, i ka hoʻokuʻu ʻia ʻana o nā kiwikiu he 13 ma Nākula, make ihola he ʻeiwa o lākou. A ʻo kekahi o ia mau manu ʻeiwa i make, ua make ʻē ma mua o ka hoʻokuʻu ʻia ʻana. A ʻo kekahi manu, ua nalowale. ʻO ke kumu i make ai ia mau manu ʻeiwa, ʻo ka maʻi malaria manu paha. A ma muli o ia mau pilikia, hoʻopaneʻe ʻia akula ka holo mua ʻana o ia papahana.

Maikaʻi wale ka pāʻani pōpō paʻipaʻi ʻana o Moea Kekauoha, a lilo ai ʻo ia, ʻo ia ka mea pāʻani ʻoi o ka makahiki o ka ʻAhahui ʻĀlapa Mokuʻāina Kula. He mea pāʻani ʻo ia no ke Kulanui o Menlo. No Hawaiʻi nei ʻo Kekauoha, a puka aʻela ʻo ia mai ke Kula Kiʻekiʻe ʻo ʻIolani. I ke kikina nei i hala, ʻo ia ka ʻoi ma ka hapa nui loa o nā hana helu ʻia a ka mea hili o waho. He 429 āna hoʻopio, he 429 ʻali, he 32 ʻeki, a he 37 paku. Ke paʻa mai he 70 hoʻopio hou iā Kekauoha, a laila, e like ka nui o kāna mau hoʻopio me kā Brooke Richardson i hana ai ma ka makahiki 2001, he 499. A ʻo ia ka ʻoi ma ka moʻolelo o ia kula. Aia ʻo Menlo ma ka puni wae moho o ka Hoʻokūkū Inoa Moho o ka ʻAhahui ʻĀlapa Mokuʻāina Kula.

Eia mai kā kākou ʻōlelo noʻeau,

He ukana ko ka houpo.

He pilikia ke noʻonoʻo ʻia ana.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s