10-26-20

Ua hiki ka hopeʻō pilikua i ʻAmelika Hui Pū ʻIa.

ʻO ia aʻela kekahi poʻonūhou o kēia lā, ka lā 26 o ʻOkakopa, he Pōʻakahi. Welina e nā makamaka. ʻO Ke Aolama kēia a penei ka nūhou.

Ua loaʻa aku nei ka pūnana hopeʻō ma ka mokuʻāina ʻo Wakinekona. A ʻo ke ʻano o ka hopeʻō nona ia pūnana, ʻo ia ka hopeʻō pilikua ʻĀkia, a ʻo kona inoa kapakapa, ʻo ia hoʻi ka hopeʻō pepehi a ʻo ia ka hopeʻō nui loa o ka honua nei. ʻO kahi i loaʻa ai ia pūnana, aia ma ke kūlanakauhale ʻo Blaine ma kahi e kokoke ana i Kanakā. E kua ʻia ke kumu lāʻau i loaʻa ai ka pūnana i mea e wehe ai a hemo nā hopeʻō ʻakahi nō a hānau. Ke manaʻo ʻia nei he mau pūnana hou paha ma kahi o laila. ʻO kahi pilikia, he ʻimi aku ka hopeʻō hoʻomake i ka nalo meli a pepehi aku. ʻO ka ʻāina maʻa mau o ka hopeʻō pilikua ʻĀkia, ʻo ia ʻo Kina, ʻo Iāpana, ʻo Siama, ʻo Kōlea Hema, ʻo Wiekanama a me kekahi mau ʻāina hou aku o ʻĀkia.

ʻO Todd Graham ke kumu alakaʻi pōpō pekupeku hou o nā Koa Ānuenue. A ma ka hoʻokūkū mua o ke kikina, kāʻili aku nei ʻo Hawaiʻi i ka lanakila. ʻO Fresno Mokuʻāina ka hoa paio, a ʻo ka helu ʻai, he 34 ʻai a Hawaiʻi i ka 19 a Fresno. Hopohopo ana nō paha ko Hawaiʻi, ʻoiai ma ka peku ulele mua o ia hoʻokūkū, ua pahemo akula ka pōpō a lilo akula i nā ʻĪlio Pulu. Akā, ma ka holo ʻana a Chevan Cordeiro, ka ʻalihikūlele o Hawaiʻi, he ʻelua ʻai holo a ma hope o ka hapahā ʻelua, e ʻoi ana ʻo Hawaiʻi, ma ka helu ʻai he 17 i ka 13. Ua maikaʻi wale ka hana a Cordeiro. He 229 āna ʻīā i nou ai a he 133 āna ʻīā i holo ai.

Eia mai kā kākou ʻōlelo noʻeau,

Haʻahaʻa haka, pau i ka ʻīlio.

Inā waiho wale kāu mau waiwai, e pau paha i ka ʻaihue ʻia.

One thought on “10-26-20”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s