08-30-21

E hopohopo ana nā luna aupuni o Hawaiʻi nei.

ʻO ia aʻela kekahi poʻo nūhou o kēia lā, ka lā 30 o ʻAukake, he Pōʻakahi. Welina e nā makamaka. ʻO Ke Aolama kēia a penei ka nūhou.

Ma muli o ka māhuahua loa ʻana aʻe o nā kānaka e loaʻa ana i ka maʻi COVID-19, he manaʻo ko nā luna aupuni e kauoha ʻia ko Hawaiʻi, e noho ma ka hale ma ka hopena pule nei e hiki mai ana, ʻoiai, he hopena pule ia nona ka lā nui, ʻo ia hoʻi, ka Lā Nui o nā Limahana. A inā hele wale ka lehulehu e like me ko lākou makemake, he hiki nō ke piʻi loa aʻe ka nui o nā kānaka e loaʻa i ua maʻi lā, e like me ka hopena pule o ka lā ʻehā o Iulai. Hōʻike mai nei ka Hope Kiaʻāina Josh Green he 414 mau maʻi COVIDA e noho ana ma nā haukapila i ka Lāpule nei, a inā piʻi hou, e kūpilikiʻi paha nā haukapila o Hawaiʻi nei.

Ua hahana nō ka hoʻokūkū pōpō paʻipaʻi o nā Wāhine Ānuenue me Tekeka A&M i ka Lāpule nei, akā, ua lilo nō ke eo iā Hawaiʻi ma nā pāʻani he ʻekolu wale nō. He 17 hoʻopio a Brooke Van Sickle, a he 14 hoʻopio a Mia Johnson. Lilo mai nei ke kūlana ʻelua o ka Hoʻokūkū Wahine Ānuenue Hui Mokulele Hawaiian iā Hawaiʻi. ʻO Marquette kai kāʻili i ke kūlana ʻekahi. E lele ana nā Wāhine o Hawaiʻi i Uta no ke kūʻē ʻana aku iā Uta Awāwa i ka Pōʻahā.

Eia mai kā kākou ʻōlelo noʻeau,

ʻAʻohe kolopā nāna e une.

He ʻōlelo ia no ke kanaka poʻo paʻakikī.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s