09-24-21

ʻO ke ono o ka sila Hawaiʻi i loaʻa ma Molokaʻi.

ʻO ia aʻela kekahi poʻo nūhou o kēia lā, ka lā 24 o Kepakemapa, he Pōʻalima. Welina e nā makamaka. ʻO Ke Aolama kēia a penei ka nūhou.

Haʻalele maila kekahi mau mokulele o ka Hui Mokulele ʻo Hawaiian iā Honolulu akā, huli hoʻi maila ma muli o kekahi mau ʻōhua. Ma kekahi mokulele e lele ana no Hilo Hanakahi, ua ʻōlelo ʻia, kuʻi aku nei kekahi ʻōhua i kekahi kuene mokulele ʻelua manawa, ma ka umauma a ma ke poʻo. ʻAʻohe hana hoʻoukiuki a ia kuene mokulele. Hoʻi maila ka mokulele i Honolulu kahi i hopu ʻia ai ke kolohe e nā hope mākaʻi nui. He mau hola ma hope mai, ma kekahi mokulele e lele ana no Sitala, e hōʻole ana kekahi ʻōhua, ʻaʻole ʻo ia e komo i ke pale ihu. Hoʻoluhi aʻela nō hoʻi ʻo ia i kekahi mau ʻōhua. Ua hoʻi maila ka maluhia ma muli o nā kuene mokulele a me kekahi pailaka, akā, i loko nō o ka maluhia, huli hoʻi maila ka mokulele no Honolulu.

Ua loaʻa aku nei he sila Hawaiʻi make ma Molokaʻi ma ka Lāpule nei. ʻO ka sila Hawaiʻi make ʻeono ia i loaʻa ma Molokaʻi i kēia makahiki nei. Ua kapa ʻia ua sila Hawaiʻi nei ʻo L11, a hānau ihola ʻo ia ma Molokaʻi i ka makiki 2020. He wahine ia sila, a he mea minamina ia ʻoiai, ʻo ka nui o nā sila Hawaiʻi, he 1,400 wale nō a ʻoi aku a emi mai paha. ʻAʻole i maopopo ke kumu i make ai ʻo L11, akā,  hoʻouna ʻia mai kona kupapaʻu i Oʻahu nei e mālama ʻia ai a ka wā e noiʻi ʻia ai ke kumu o kona make ʻana.

Eia mai kā kākou ʻōlelo noʻeau,

He lauhau, he iʻa hōkake. kāheka.

He ʻōlelo kēia no ke kanaka waha kole.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s